Patharagitti_Film Press Meet

‘ಪಾತರಗಿತ್ತಿ’ ಚಿತ್ರದ ಹಾಢುಗಳು ಇತ್ತೀಚೆಗೆ ಬಿಡುಗಡೆಗೊಂಡು ಎಲ್ಲಾ ಕಡೆಯಿಂದ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ. ಇದರಿಂದ ಸಂತಸಗೊಂಡ ತಂಡವು ‘ಹುಚ್ಚರಿಗು ಹುಚ್ಚು ಹಿಡಿಸೋ ಅಂದವೆ ನಿನ್ನದು’ ಎನ್ನುವ ಹಾಢಿಗೆ ಡ್ಯಾನ್ಸ್ ಮಾಡಲು ಆಸಕ್ತಿ ಇರುವವರಿಗೆ ಸದವಕಾಶ ಕಲ್ಪಿಸಲು ಸ್ಪರ್ಧೆಯನ್ನು ಏರ್ಪಡಿಸಿದೆ. ಸಾಮಾನ್ಯ ವಸ್ತ್ರ ಧರಿಸಿ ನಾಲ್ಕು ನೃತ್ಯ ಪಟುಗಳ ಜೊತೆ ಹಾಢಿಗೆ ನೃತ್ಯ ಮಾಢಿ ಚಿತ್ರೀಕರಿಸಿದ್ದನ್ನು ಸಿಡಿಯಲ್ಲಿ ಕೊಡಬೇಕು. ಸ್ಪರ್ಧೆಯಲ್ಲಿ ಗೆದ್ದವರಿಗೆ ಇಂತಿಷ್ಟು ನಗದು ಬಹುಮಾನವನ್ನು ನೀಡುವ ಯೋಜನೆ ಹಾಕಿಕೊಂಡಿದೆ. ಇಲ್ಲಿಯವರೆವಿಗೂ ಸಾವಿರದ ಇನ್ನೂರು ಸಿಡಿಗಳು ಬಂದಿದೆ. ತಂಡವು ಹತ್ತು ಸಾವಿರ ಸಿಡಿ ಬರಬಹುದೆಂಬ ಅಪೇಕ್ಷೆಯಲ್ಲಿದ್ದಾರೆ. ಪ್ರತಿಭೆಗಳನ್ನು ಗುರುತಿಸಲು ಮೂರು ತಂಡಗಳಾಗಿ ವಿಂಗಡಣೆ ಮಾಡಿಕೊಂಡಿದ್ದಾರೆ. ತಂಡವು ಪ್ರತಿಯೊಂದು ಸಿಡಿಯನ್ನು ಪರಿಶೀಲಿಸಿ ಅದರಲ್ಲಿ ನೂರು ಪ್ರತಿಭೆಗಳನ್ನು ಆಯ್ಕೆಮಾಡಿ ಅಂತಿಮವಾಗಿ ಚಿತ್ರದ ಹಾಡಿಗೆ ನೃತ್ಯ ನಿರ್ದೇಶನ ಮಾಡಿದ ಮದನ್‍ಹರಿಣಿಗೆ ಕೊಡಲಾಗುತ್ತದೆ. ಅವರು ಮೂರು ಜನರನ್ನು ಆಯ್ಕೆ ಮಾಡುವ ಕೆಲಸ ಅವರದಾಗಿದೆ. ಅಲ್ಲದೆ ಗೆದ್ದವರಿಗೆ ಮುಂದಿನ ಚಿತ್ರದಲ್ಲಿ ಕೆಲಸ ಮಾಡುವ ಅವಕಾಶ ದೊರಕಲಿದೆ. ಚಿತ್ರವನ್ನು ಸೆನ್ಸಾರ್ ಮಂಡಳಿ ವೀಕ್ಷಸಲಿದ್ದು ಜನವರಿ ಮೊದಲನೆ ವಾರದಲ್ಲಿ ಬಿಡುಗಡೆ ಯಾಗಲಿದೆ. ಅಂದೆ ಬಹುಮಾನವನ್ನು ನೀಡಲಾಗುವುದು. ನಿರ್ದೇಶಕ,ನಿರ್ಮಾಪಕ ಈಶ್ವರ್ ಸಾರಥ್ಯದಲ್ಲಿ ನಾಯಕ ಶ್ರೀಕಿ, ನಾಯಕಿ ಪ್ರಜ್ವಲ್‍ಪೂವಯ್ಯ, ಶಕೀಲ. ತಬಲನಾಣಿ ನಟಿಸಿದ್ದಾರೆ.